ՀՀ-ում կենդանիների և դրանց պահման տարածքների նույնականացում և հաշվառում
ՕԺԱՆԴԱԿՈՂ՝
Երկիր/Տարածաշրջան
Հայաստան/Շիրակ, Լոռի, Կոտայք, Գեղարքունիք, Արագածոտն
Ծրագրի իրականացման համար նախատեսված ժամանակաշրջան
1 նոյեմբեր, 2018թ․ - 31 դեկտեմբեր, 2020թ․
Կենդանիների նույնականացումը և հաշվառումը արտադրության ոլորտից բխող հետագծելիության ապահովման համակարգ է, որն ուղղված է կենդանիների առողջության և սննդամթերքի անվտանգության խնդիրների հայտնաբերմանը: Կենդանիների նույնականացման նպատակը երկրում կենդանիների առողջության հսկողության ուժեղացումն է` որոշակի կենդանիների նույնականացման և հետագծելիության ապահովման միջոցով: Առողջ կենդանիները և զարգացած գյուղատնտեսությունը կխթանեն վստահությունը սպառողների շրջանում և կնպաստեն ներքին եւ միջազգային շուկաների պաշտպանվածությանը: Կենդանիների նույնականացումն ու հաշվառումը խիստ կարևոր է յուրաքանչյուր նախրում կենդանիների առողջության պահպանման, ինչպես նաև կենդանիների տեղաշարժի իրական ժամանակահատվածի և նրանց գտնված շինությունների, անասնաշենքերի և ամառային արոտավայրերի վերաբերյալ տեղեկությունների ապահովման համար: Այն հուսալի արտադրողներին հնարավորություն կտա մուտք գործել շուկաներ, կանխել վտանգավոր կենդանիների և կենդանական ծագման արտադրանքի տեղաշարժը և արտակարգ իրավիճակներում արագ և ճիշտ կողմնորոշվել: Կենդանիների նույնականացման շարժիչ ուժը սննդամթերքի շուկաներ մուտք գործելու ձգտումն է: Ներկայումս որոշ վայրերում սպառողները պատրաստ են հավելյալ գումար վճարել այն մսի և կենդանական ծագման արտադրանքի համար, որոնց վերաբերյալ հավաստի տեղեկություն ունեն կենդանիների ծնի օրվանից սկսած: Ուստի, սննդամթերքի շղթայի աշխատողները շուկայի պահանջներին համապատասխանելու նպատակով նախատեսում են անհրաժեշտ փոփոխություններ կատարել իրենց գործողություններում: Դա արտադրության ոլորտում ներգրավված մարդկանց հնարավորություն կտա պատրաստ լինել պաշտպանելու և պահպանելու իրենց դիրքը ներքին և միջազգային շուկաներում: Հայաստանը պետք է ունենա այնպիսի համակարգ, որի շնորհիվ անասնաբույծներն ու ֆերմերները պաշտպանված կլինեն և կկարողանան ազատորեն արտադրանքներ և կենդանիներ արտահանել և ներմուծել ողջ աշխարհում:
Ելնելով վերը նշվածից՝ Ագրոբիզնեսի և գյուղի զարգացման կենտրոն (ԱԳԶԿ/CARD) հիմնադրամը ՀՀ Գյուղատնտեսության նախարարության և նրա Սննդամթերքի անվտանգության պետական ծառայության (ՍԱՊԾ) հետ միասին առաջարկում է օժանդակել անասնաբույժներին և անասնապահությամբ զբաղվող ֆերմերներին՝ Հայաստանում ԿՏՆՀ համակարգի մշակման և ներդրման միջոցով իրենց տնտեսության կառավարումը բարելավելու նպատակով:
Առաջարկվող ծրագրի իրականացումը կունենա հետևյալ ազդեցությունը՝ կենդանիների առողջության և բուծման ոլորտի բարելավում, որն էլ կնպաստի խոշոր եղջերավոր կենդանիների մթերատվության բարձրացմանը և ֆերմերների եկամտի ավելացմանը:
Այս ազդեցությանը հասնելու համար ծրագիրն իր առջև նպատակ է դրել հասնել հետևյալ արդյունքի՝ ընտրված պիլոտային ֆերմաներում տնտեսության կառավարման բարելավում «Կենդանիների և նրանց պահման տարածքների նույնականացման և հաշվառման համակարգի» մշակման և ներդրման միջոցով, որը հնարավոր կլինի հետագայում տարածել ողջ հանրապետությունում: Իսկ ծրագրի իրականացման արդյունքում կավելանան անասնաբույժների և ֆերմերների՝ իրենց պարտականությունները արդյունավետ կերպով կատարելու կարողությունները, և հիմք կստեղծվի հետագայում կենդանիների նույնականացման և հաշվառման համակարգի ներդրման համար:
Ծրագրի իրականացումը նախատեսում է հետևյալ երկու առաջնային արդյունքների ապահովումը.
Առաջնային արդյունք 1. Ծրագրի շահառուների՝ պետական պաշտոնյաների, անասնապահությամբ զբաղվող ֆերմերների, անասնաբույժների և այլոց իրազեկվածության բարձրացում կենդանիների նույնականացման և հաշվառման, ֆերմայի կառավարման, շրջակա միջավայրի պահպանության և կենդանիների բարեկեցության/պաշտպանության բարելավման վերաբերյալ:
Առաջնային արդյունք 2. Անասնաբույժների և անասնապահությամբ զբաղվող ֆերմերների՝ կենդանիների նույնականացման և հաշվառման, ֆերմայի կառավարման, շրջակա միջավայրի պահպանության և կենդանիների բարեկեցության/պաշտպանության ոլորտի տեխնիկական և կազմակերպչական կարողությունների զարգացում:
$('#gallery2').rebox({ selector: 'a' });
Ապր 25 2019
Հայաստանի Հանրապետությունում կենդանիների և դրանց պահման տարածքների նույնականացում և հաշվառում (HAI&R) նախապատրաստական ծրագրի մեկնարկային հանդիպումը։
Փետրվարի 21-ին, Ռադիսոն Բլու հյուրանոցում տեղի ունեցավ Ավստրիայի զարգացման գործակալության կողմից ֆինանսավորվող՝ <<Հայաստանի Հանրապետությունում կենդանիների և դրանց պահման տարածքների նույնականացում և հաշվառում (HAI&R)>> ծրագրի մեկնարկային հանդիպումը։ Երկիր/Տարածաշրջան Հայաստան/Շիրակ, Լոռի, Կոտայք, Գեղարքունիք, Արագածոտն Ծրագրի իրականացման համար նախատեսված ժամանակաշրջան 1 նոյեմբերի, 2018թ. – 31 դեկտեմբերի, 2020թ. Կենդանիների նույնականացումը և հաշվառումը արդադրության ոլորտից բխող հետագծելիության ապահովման համակարգ է, որն ուղղված է կենդանիների առողջության և սննդամթերքի անվտանգության խնդիրների հայտնաբերմանը: Կենդանիների նույնականացման նպատակը երկրում կենդանիների առողջության հսկողության ուժեղացումն է` որոշակի կենդանիների նույնականացման և...
Հնս 16 2020
ՀԱՍՏԱՏՎԵԼ Է ԿԵՆԴԱՆԻՆԵՐԻ ՀԱՇՎԱՌՄԱՆ, ՀԱՄԱՐԱԿԱԼՄԱՆ ԵՎ ՆՈՒՅՆԱԿԱՆԱՑՄԱՆ ԾՐԱԳՐԸ
Ուրախությամբ նշում եմ, որ հայ և ավստրիացի մասնագետների ջանքերի շնորհիվ մշակվեց ու Կառավարության հունիսի 11-ի նիստով հաստատվեց 750 մլն. արժողությամբ ընդհանուր բյուջեով՝ Կենդանիների հաշվառման ու համարակալման ծրագիրը, որը կմեկնարկի սույն թվականի աշնանը։ Ցանկանում եմ ողջունել Էկոնոմիկայի նախարարությանը և ընդգծել, որ 30 տարի է այս հարցը ծեծվում էր ու վերջապես հեղափոխական Կառավարությունը նախաձեռնեց, մշակեց ու հաստատեց Կենդանիների հաշվառման, համարակալման ու նույնականացման ծրագիրը։ Սա անչափ կարևոր գործընթաց է՝ բարեփոխում, որը սպանդանոցների գործարկման հետ միասին հիմք կդնի Հայաստանում կաթի ու մսի արտադրության ժամանակակից անվտանգային համակարգի ստեղծմանը։ Վերջապես գյուղատնտեսության ոլորտի պատասխանատուները, դուրս գալով սերմացու, պարարտանյութ ու դիզ վառելիք բաժանելու տխրահռչակ «սխեմաներից...
Փտր 19 2020
(ԿՀՀ) ծրագրի աշխատանքային խմբի (ԱԽ) VII հանդիպումը
2020թ․ փետրվարի 14-ին CARD հիմնադրամի գրասենյակում տեղի ունեցավ Կենդանիների համարակալման և հաշվառման (ԿՀՀ) ծրագրի աշխատանքային խմբի (ԱԽ) VII հանդիպումը, որի ընթացքում քննարկվեցին հետևյալ հարցերը՝ • ՀՀ էկոնոմիկայի նախարարությանն առընթեր Կենդանիների համարակալման և հաշվառման բաժնի ստեղծման կարգավիճակը, • Անի Պաս համակարգի սեփականություն և տնօրինում (որտեղ է տեղակայվելու Անի Պաս համակարգը և ով է տնօրինելու այն), • Կենդանիների համարակալմանն ու հաշվառմանն ուղղված վեբ կայքի ստեղծում, • Անիմացիոն ֆիլմերի պատրաստում հանրային իրազեկման նպատակով, • Բիզնես գործընթաց N 1․ կենդանու ծին գործընթացի վերաբերյալ:
Դկտ 02 2019
Աշխատաժողով նվիրված՝ Հայաստանում ԿՀՀ ծրագրի ներդրմանը
2019թ․ նոյեմբերի 20-ին CARD հիմնադրամը Ավստրիական զարգացման գործակալության (ADA) ֆինանսավորմամբ, ՀՀ էկոնոմիկայի նախարարության ու սննդամթերքի անվտանգության տեսչական մարմնի աջակցությամբ իրականացրեց կենդանիների համարակալման և հաշվառման համակարգի ներդրմանը նվիրված աշխատաժողով Ծաղկաձորի Մարիոթ հյուրանոցում։ Աշխատաժողովին միջազգային փորձով կիսվեցին Ավստրիական «Ագրարմարկթ» կազմակերպության մասնագետ Ռուդոլֆ Մոսերը և Վրաստանի ՄԱԿ-ի պարենի և գյուղատնտեսության կազմակերպության (FAO) մասնագետներ Դրագան Անգելովսկին և Միխայիլ Սոխադձեն2019թ․ նոյեմբերի 20-ին CARD հիմնադրամը Ավստրիական զարգացման գործակալության (ADA) ֆինանսավորմամբ, ՀՀ էկոնոմիկայի նախարարության ու սննդամթերքի անվտանգության տեսչական մարմնի աջակցությամբ իրականացրեց կենդանիների համարակալման և հաշվառման համակարգի ներդրմանը նվիրված աշխ...
Հնվ 23 2020
Հերթական «Խելացի անասնաշենքը» բացվեց Ազատան համայնքում
2019թ. նոյեմբերի 29-ին, Շիրակի մարզի Ազատան համայնքում տեղի ունեցավ «Խելացի անասնաշենք»-ի բացման արարողությունը։ Անասնաշենքը կառուցվել է ՔԱՐԴ հիմնադրամի և Ավստրիայի զարգացման գործակալության ֆինանսավորմամբ, ինչպես նաև ՀՀ Էկոնոմիկայի նախարարության աջակցությամբ։ Անասնաշենքը նախատեսված է 12 գլուխ կենդանու ազատ պահվածքի համար։ Անասնաշենքին կից կառուցվել է կթի սրահ, որտեղ հնարավոր է կթել միաժամանակ 4 կով։ Ստորև տեղադրված հղումներով կարող եք գտնել անասնաշենքի բացման վերաբերյալ հրապարակումները լրատվամիջոցներում։ https://hetq.am/hy/article/110417 https://cutt.ly/6e9mgJR https://news.am/arm/news/547203.html https://cutt.ly/De9mlv8 http://nt.am/am/news/276440/ https://mineconomy.am/news/1927?fbclid=IwAR23YX44240pN-S4bQ3ky2bIBjd7j4QWJRqcBknqYL99Qzmp01eiheFEJ...
Մյս 07 2019
Կենդանիների հաշվառման և համարակալման համակարգի կարևորությունը սննդի անվտանգության ոլորտում
2019թ․ ապրիլի 28-ին Ագրիբիզնեսի ուսուցման կենտրոնում (ATC/ICARE) ABioNet ծրագրի շրջանակներում տեղի ունեցավ սեմինար Հայաստանի ազգային ագրարային համալսարանի ուսանողների համար, որտեղ դասախոսեց CARD հիմնադրամի կողմից իրականացվող, Ավստրիայի զարգացման գործակալության կողմից ֆինանսավորվող ծրագրի՝ կենդանիների առողջության և սննդի անվտանգության փորձագետ Սերգեյ Չախմախչյանը։ Դասախոսության թեման էր՝ կենդանիների հաշվառման և համարակալման համակարգի կարևորությունը սննդի անվտանգության ոլորտում: Բոլոր երկրներում կենադնիների համարակալման և հաշվառման համակարգն ունի կարևոր նշանակություն տնտեսության՝ մասնավորապես, գյուղատնտեսության զարգացման համար։ Պատմականորեն կենդանիների հաշվառման համակարգերը ստեղծվել են տոհմային գործով զբաղվող կազմակերպությունների կողմից՝ կենդանիների գենետիկական տվյալների կառավարման, ֆերմեր...
Մյս 10 2019
ADA/ HAI&R- II WG հանդիպում- “ANI PASS” ծրագրի ներկայացում
Աշխատանքային խմբի հանդիպման ժամանակ սննդամթերքի անվտանգության տեսչական մարմինը պրեզենտացիայի տեսքով ներկայացրեց «ANI PASS» ծրագիրը, որը իրենից ներկայացնում է բազմանպատակ ինտեգրացիոն համակարգչային ծրագիր՝ ուղղված կենդանիների համարակալմանը և հաշվառմանը։ Նախնական ուսումնասիրությունը ցույց տվեց, որ այն համապատասխանում է պետության արդի պահանջներին, հանդիսանում է հետագծելիության ապահովման միջոց և կարող է օգտագործվել գյուղատնտեսության և սննդի արդյունաբերության մեջ։ Ծրագիրն ունի շարունակական նորացման և արդիականացման հնարավորություն, համապատասխանում է արդի պահանջներին և որոշակի շտկումներից հետո կարող է կիրառվել կենդանիների համարակալման և հաշվառման ծրագրի համապարփակ ներդրման ժամանակ։
Հնս 17 2019
«Խելացի անասնաշենք» փորձացուցադրական ֆերմայի բացման արարողությունը Ստեփանավան քաղաքում
Ս․թ․ հունիսի 15-ին ՀՀ Լոռու մարզի Ստեփանավան քաղաքում տեղի ունեցավ «Ագրոբիզնեսի և գյուղի զարգացման կենտրոն» (CARD) հիմնադրամի կողմից իրականացվող և Ավստրիայի զարգացման գործակալության կողմից ֆինանսավորվող ծրագրերի շրջանակում հիմնված «խելացի անասնաշենք» փորձացուցադրական ֆերմայի բացումը: Հանդիպմանը ներկա էին պաշտոնատար անձինք ՀՀ Գյուղատնտեսության նախարարությունից, Լոռու մարզպետարանից, միջազգային և տեղական կազմակերպությունների ներկայացուցիչներ, ինչպես նաև ֆերմերներ տարբեր մարզերից: «Խելացի ֆերմա»-ի գաղափարն ի կատար է ածվել ՔԱՐԴ Հիմնադրամի կողմից՝ Ավստրիային զարգացման գործակալության ֆինանսավորմամբ, իսկ այնուհետ FAO-ի օժանդակությամբ։ Նախագիծն իրականացրել է Թ.Ա.Հ.Գ. ԳՐԻԳ կազմակերպությունը՝ շվեդական Դե-Լավալ ընկերություն հետ համատեղ ջանքերի արդյունքում: Ֆերման...
Հլս 08 2021
ՆՈՐԱԳՈՒՅՆ ՏԵԽՆՈԼՈԳԻԱՆԵՐԸ ԵՂԵԳՆԱՁՈՐ ՀԱՄԱՅՆՔՈՒՄ
2021թ. հունիսի 24-ին, Ավստրիական զարգացման գործակալության ֆինանսավորմամբ իրականացվող` «Կենդանիների համարակալում և հաշվառում» ծրագրի շրջանակներում Վայոց ձորի մարզի Եղեգնաձոր համայնքում իրականացվեց սեմինար` Կենդանիների համարակալման և հաշվառման, խելացի ֆերմաների, պահվածքի և խնամքի ինչպես նաև անասնապահության ժամանակակից տեխնոլոգիաների մասին։ ԿՀՀ ծրագրի մասնագետները ներկայացրեցին համակարգը՝ կարևորելով դրա դերը սննդամթերքի անվտանգության ապահովման և սննդով փոխանցվող հիվանդությունների կանխարգելման գործում։ Անասնաբույժների Ազգային Ասոցացիայի նախագահը խոսեց տավարաբուծության և կենդանիների բուծման ժամանակակից մեթոդների մասին։ Ներկայացրեց ՀՀ ներկրված տոհմային կենդանիների աշխատանքների կառավարումը ֆերմերային տնտեսություններում։ Ֆերմերներին ներկայացվեց նաև արդի տեխնոլոգիան...
Մյս 07 2021
Պարենային կայուն համակարգերի ստեղծման առաջին երկփուլ երկխոսությունը
Ս․թ․ ապրիլի 27-ին ՀՀ Էկոնոմիկայի նախարարության նախաձեռնությամբ և ՄԱԿ-ի հայաստանյան գրասենյակի աջակցությամբ անցկացվեց ներառական արժեշղթաների միջոցով պարենային կայուն համակարգերի ստեղծման առաջին երկփուլ երկխոսությունը։ Գագաթնաժողովին մասնակցում էին ոլորտի շահակիցներ՝ պետական ու մասնավոր հատված, միջազգային գործընկերներ, գիտական-ակադեմիական շրջանակներ, Հասարակական կազմակերպություններ և այլն։ Լիագումար նիստից հետո անցկացվեցին երկու համընթաց նիստեր, որոնցից մեկը վերաբերում էր ագրոպարենային արտադրանքի մատակարարման շղթաների դիմակայունությանը (վարող՝ Վարդան Ուռուտյան, ՀԱԱՀ ռեկտոր), իսկ մյուսը՝ սննդամթերքի անվտանգությանը (վարող՝ Սերգեյ Չախմախչյան, CARD հիմնադրամի կենդանիների առողջության և սննդամթերքի անվտանգության փորձագետ): Սերգեյ Չախմախչյանը ներկայացրեց «Ավստրիական զարգացման գործակ...
